p. 444: Old English Homilies

IIIF Drag-n-drop
Title:
p. 444: Old English Homilies
Section:
Ælfric OSB, Catholic Homilies, First Series, Pentecost
Manuscript:
Old English Homilies

Page details

  • ac þæs witegan cwyde ioheles is nu gefylled; God cwæð
  • þurh þæs witegan muð. þ<æt> he wolde his gast asendan
  • ofer menniscum flæsce. [et] manna bearn sceoldon witi
  • gian. [et] ic sylle mine forebeacn ufan of heofonum.
  • [et] mine tacna niðer on eorðan; witi ge soðlice þ<æt> crist
  • aras of deaðe. [et] on ure gewitnysse astah to heofonu<m>.
  • [et] sit æt his fæder swyðran. swa swa dauid ^be^ him witegode
  • þus cwæðende; Driht<en> cwæð to minum drihtne. site
  • to minum swiðran. oð ðæt ic alecge þine fynd under
  • þinum fotsceamole. þa þ<æt> folc þis gehyrde. þa wurdon
  • hi onbryrde. [et] cwædon to ðam apostolon; La leof hwæt
  • is us to donne? þa andwyrde petrus; behreowsiað eowre
  • synna. [et] underfoð fulluht on cristes naman. [et] eowre
  • synna beoð adylegode. [et] ge underfoð þone halgan gast;
  • Đa underfengon hi his lare. [et] bugon to fulluhte on
  • þam dæge. þreo þusend manna. þa wæron ealle on
  • annysse mid þam apostolum. [et] beceapodon heora æhta.
  • [et] þ<æt> feoh betæhton þam apostolum. [et] hi dældon ælcu<m> be
  • his neode; Eft on oðre bodunge gelyfdon fif þusend
  • wera on crist. [et] wearð eall seo geleaffulle mænigu swa
  • anmod: swilce hi ealle hæfdon a*ne heortan [et] a*ne sawle;
  • Ne heora nan næfde synderlice æhta. ac him eallu<m>
  • wæs gemæne heora þing. ne þær næs nan wædla betwux